കാഞ്ഞങ്ങാട്: വെള്ളിക്കോത്ത് അജാനൂര്‍ പഞ്ചായത്ത് കാര്യലയത്തിന് സമീപത്തെ സ്വര്‍ഗമഠം വീട്ടില്‍നിന്ന് റിട്ട. അധ്യാപിക ഓമനയെ കത്തിമുനയില്‍ നിര്‍ത്തി സ്വര്‍ണവും പണവും മോഷ്ടിച്ച സംഭവത്തില്‍ പ്രതിയുടേതെന്ന് സംശയിക്കുന്ന ആളുടെ രേഖാചിത്രം പൊലിസ് പുറത്തുവിട്ടു. ലഭിച്ച വിവരങ്ങളുടെയും ഓമനയുടെ മൊഴിയുടെയും അടിസ്ഥാനത്തിലാണ് പൊലിസ് രേഖാചിത്രം തയാറാക്കിയത്. ഇയാളെ കുറിച്ച് അറിയുന്നവര്‍ 9497980921 എന്ന നമ്പറില്‍ ബന്ധപ്പെടണമെന്ന് പൊലിസ് അറിയിച്ചു.