കല്ല്യാശ്ശേരി: സി.ആര്‍.സി കല്ല്യാശ്ശേരി സംഘടിപ്പിക്കുന്ന ആറാമത് ഇ.കെ നായനാര്‍ സ്മാരക സ്വര്‍ണകപ്പ്  ടൂര്‍ണമെന്റിനും 60,000 രൂപ പ്രൈസ് മണിക്കും വേണ്ടിയുള്ള അഖില കേരള സെവന്‍സ് ഫുട്‌ബോള്‍ ടൂര്‍ണമെന്റ്  നാളെ മുതല്‍ 19 വരെ കല്ല്യാശ്ശേരി സ്‌കൂള്‍ ഫ്‌ളഡ്‌ലിറ്റ് സ്റ്റേഡിയത്തില്‍ നടക്കും. ഉദ്ഘാടനം നാളെ വൈകുന്നേരം 7.30ന്  സി.പി.എം ജില്ലാ സെക്രട്ടറി പി. ജയരാജന്‍ നിര്‍വഹിക്കും. പത്ത് ടീമുകള്‍ മാറ്റുരയ്ക്കും. ചാലഞ്ചേഴ്‌സ് മയ്യില്‍, ഡ്രീം കേരള ഹോളിഡേയ്‌സ് കോഴിക്കോടും ആദ്യ മത്സരത്തില്‍  ഏറ്റുമുട്ടും. വാര്‍ത്താസമ്മേളനത്തില്‍ പി. രാമചന്ദ്രന്‍, പി.വി സുധീന്‍, ടി. കുഞ്ഞബ്ദുല്ല, ടി.ടി ബാലകൃഷ്ണന്‍, കൊമ്പന്‍ കണ്ണന്‍ പങ്കെടുത്തു.