കോഴിക്കോട്: വായനയുടെയും ആസ്വദനത്തിന്റെയും വിനോദത്തിന്റെയും വാതായനങ്ങള്‍ തുറന്ന് ഒലിവ് പബ്ലിക്കേഷന്‍ സംഘടിപ്പിക്കുന്ന മലബാര്‍ കാര്‍ണിവലിന് ഇന്ന് തുടക്കമാകും.
വൈകിട്ട് അഞ്ചിന് സരോവരം ബയോപാര്‍ക്കിന് സമീപം ബിബ്ലിയോ മൈതാനത്ത് നടക്കുന്ന ചടങ്ങില്‍ സിനിമാ നടന്‍ മധു ഉദ്ഘാടനം നിര്‍വഹിക്കും. 23 വരെ നടക്കുന്ന കാര്‍ണിവലില്‍ പുസ്തക പ്രകാശനങ്ങള്‍, സെമിനാറുകള്‍, വ്യാപാര വിപണന മേള, സ്‌കൂള്‍ മേള എന്നിവ നടക്കും. കലാ സാംസ്‌കാരിക സാമൂഹ്യ രംഗങ്ങളിലെ പ്രമുഖര്‍ വിവിധ ദിവസങ്ങളില്‍ പരിപാടികളില്‍ സംബന്ധിക്കും. ഭക്ഷണ ശാല, വിവിധ ബ്രാന്‍ഡഡ് കമ്പനികളുടെ എ.സി സ്റ്റാളുകള്‍, അമ്യൂസ്‌മെന്റ് പാര്‍ക്ക് തുടങ്ങിയവ ഇവിടെ സജ്ജീകരിച്ചിട്ടുണ്ട്.  
വാര്‍ത്താസമ്മേളനത്തില്‍ പബ്ലിക്കേഷന്‍ മാനേജര്‍ അര്‍ഷാദ് ബത്തേരി, മാര്‍ക്കറ്റിങ് മാനേജര്‍ സന്ദീപ്, കെ.എസ് പ്രജീഷ് സംബന്ധിച്ചു.