ഊര്‍ക്കടവ്: കോഴിക്കോട് മെഡിക്കല്‍ കോളജ് സി.എച്ച് സെന്ററിന്റെ മികച്ച വളണ്ടിയര്‍ക്കുള്ള മക്ക കെ.എം.സി.സി പുരസ്‌കാരം കരസ്ഥമാക്കിയ മുനീര്‍ ഊര്‍ക്കടവിനെ  പ്രദേശത്തെ പ്രവാസി കൂട്ടായ്മയായ ഗള്‍ഫ് ഒ.എം.സി.സിയുടെ നേതൃത്വത്തില്‍ അനുമോദിച്ചു. ഊര്‍ക്കടവ് മുനവ്വിറുല്‍ ഇസ്‌ലാം മദ്‌റസയില്‍ വച്ചു നടന്ന ചടങ്ങില്‍ ഗള്‍ഫ് ഒ.എം.സി.സി ചെയര്‍മാന്‍ റസാഖ് മാങ്കുടി മുനീറിന് മൊമെന്റോയും കണ്‍വീനര്‍ കബീര്‍ പുതുക്കോത്ത് ക്യാഷ് അവാര്‍ഡും കൈമാറി. യോഗം ഖത്തീബ് ശിഹാബുദ്ദീന്‍ ഫൈസി ഉദ്ഘാടനം ചെയ്തു. മാങ്കുടി റസാഖ് അധ്യക്ഷനായി. ഇബ്രാഹിം കായലം, സലാം ഇടത്തില്‍, എ.പി റഷീദ്, സലാം ടി, മുഹമ്മദ് എ.കെ, ഗഫൂര്‍ കായലം, റിയാസ് കായലം, കബീര്‍ പുതുക്കോത്ത്, മുഷ്താഖ് ആലുങ്ങല്‍ സംസാരിച്ചു.