കോഴിക്കോട്: ലോറി സമരത്തില്‍ നിന്ന് താല്‍ക്കാലികമായി മാറി നില്‍ക്കുന്ന സ്‌റ്റേറ്റ് ലോറി ഓണേഴ്‌സ് ഫെഡറേഷന്‍ കേരളയുടെയും അവരുമായി ചേര്‍ന്ന് പ്രവര്‍ത്തിക്കുന്ന ജില്ലാ ലോറി ഓണേഴ്‌സ് വെല്‍ഫെയര്‍ ഓര്‍ഗനൈസേഷന്റെയും ലോറികള്‍ മാത്രം തിരഞ്ഞ് പിടിച്ച്  അക്രമം നടത്തുന്നതായി പരാതി. കഴിഞ്ഞ അഞ്ച്, ആറ് തിയതികളില്‍ കോഴിക്കോട്, വയനാട് ജില്ലകളില്‍ നൂറോളം ലോറികളാണ് അക്രമിക്കപ്പെട്ടത്. ഡ്രൈവര്‍മാര്‍ അക്രമിക്കപ്പെടുകയും അവരില്‍ നിന്ന് പണം പിടിച്ച് പറിച്ച സംഭവങ്ങളും ഉണ്ടായിട്ടുണ്ട്. ആറിന് താമരശേരി പുല്ലാഞ്ഞിമേട് വച്ച് സമരാനുകൂലികള്‍ അക്രമിച്ച ലോറി അപകടത്തില്‍പ്പെടുകയും മണിക്കൂറുകളോളം ഗതാഗത സ്തംഭനം ഉണ്ടാവുകയും ചെയ്തു. പൊലിസിനേയും നിയമവ്യവസ്ഥയേയും വെല്ലുവിളിച്ചുകൊണ്ടുള്ള ഇത്തരം പ്രവണതകള്‍ അവസാനിപ്പിക്കണമെന്ന് കോഴിക്കോട് ജില്ല ലോറി ഓണേഴ്‌സ് വെല്‍ഫെയര്‍ ഓര്‍ഗനൈസേഷന്‍ ആവശ്യപ്പെട്ടു.