വടക്കാഞ്ചേരി : നഗരസഭയിലെ എങ്കക്കാട് അജ്ഞാത ജീവിയുടെ ആക്രമണത്തില്‍ 25ഓളം കോഴികള്‍ ചത്തു. സി.പി നമ്പീശന്‍ റോഡിലെ അഞ്ചോളം വീടുകളിലാണ് കോഴികളെ കൊന്നിട്ട നിലയില്‍ ഇന്നലെ രാവിലെ കണ്ടെത്തിയത്.വനംവകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി.
തെരുവുനായ്ക്കള്‍ ആക്രമിച്ചതാകാനാണ് സാധ്യതയെന്ന് ഉദ്യോഗസ്ഥര്‍ അറിയിച്ചു. കോഴി കൂടുകള്‍ തുറന്ന നിലയിലാണ്. മേഖലയില്‍ ജാഗ്രത ശക്തമാക്കിയിട്ടുണ്ട്.