പാലക്കാട്: ഒരാഴ്ച്ച മുന്‍പ് അട്ടപ്പാടി മുള്ളി വന മേഖലയില്‍ നിന്നും ചന്ദനം മുറിച്ചു കടത്തിയ കേസിലെ പ്രതിയെ വനംവകുപ്പ് ഉദ്യോഗസ്ഥര്‍ പിടികൂടി. മേലെ മുള്ളി ഊരിലെ വെള്ളിയങ്കിരിയാണ് പിടിയിലായത്. കാട്ടില്‍ വെട്ടി  ഒളിപ്പിച്ചു വെച്ച ചന്ദനം വില്‍ക്കാനായി എടുത്തു കൊണ്ട് വരുന്നതിനിടയില്‍ വനംവകുപ്പിന് ലഭിച്ച രഹസ്യ വിവരത്തെ തുടര്‍ന്ന്  നടത്തിയ പരിശോധനയിലാണ് ഇയാള്‍ പിടിയിലായത.്
രണ്ടു കിലോ ചന്ദനവും, മുറിക്കാന്‍ ഉപയോഗിച്ച വാളും കണ്ടെടുത്തു. മണ്ണാര്‍ക്കാട് കോടതിയില്‍ ഹാജരാക്കിയ ഇയാളെ 15 ദിവസത്തേക്ക്  റിമാന്‍ഡ് ചെയ്തു. പുതൂര്‍ ഫോറസ്‌റ്  സ്‌റ്റേഷനിലെ ബീറ്റ് ഫോറസ്റ്റ് ഓഫിസര്‍. ആര്‍ .രജീഷിന്റെ നേതൃത്വത്തില്‍ വാച്ചര്‍മാരായ കെ.കുമാരന്‍, എം.ചന്ദ്രന്‍, ലിംഗന്‍, ഓ.എന്‍.രംഗന്‍ എന്നിവര്‍ ചേര്‍ന്നാണ് അറസ്റ്റ് ചെയ്തത് .