കയ്പമംഗലം: പ്രധാന അധ്യാപകനോടുള്ള അതിക്രമത്തില്‍ പ്രതിഷേധിച്ച് വിദ്യാര്‍ഥികള്‍ വായ് മൂടിക്കെട്ടി പ്രകടനം നടത്തുകയും ഒപ്പ് ശേഖരണം നടത്തുകയും ചെയ്തു.
നെടുംപറമ്പ് ദാറുല്‍ഉലൂം ഹയര്‍ സെക്കന്‍ഡറി മദ്‌റസയിലെ വിദ്യാര്‍ഥികളാണ് പ്രസ്തുത മദ്‌റസയിലെ പ്രധാന അധ്യാപകനെതിരേ കഴിഞ്ഞ ദിവസങ്ങളില്‍ മഹല്ല് നിവാസികളായ ചിലരില്‍ നിന്നുണ്ടായ അതിക്രമത്തില്‍ പ്രതിഷേധിച്ച് വായ് മൂടിക്കെട്ടി പ്രകടനം നടത്തിയത്. മദ്‌റസ പരിസരത്ത് നിന്നാരംഭിച്ച പ്രകടനം നെടുംപറമ്പ് സെന്ററില്‍ സമാപിച്ചു. വിദ്യാര്‍ഥികളായ ഫാഇസ് എന്‍.എസ്, നിസാം കെ.എം, മുഹമ്മദ് നഹാസ് പി.എ പ്രകടനത്തിന് നേതൃത്വം നല്‍കി.