തിരുവനന്തപുരം :  സംസ്ഥാനത്ത് റേഷന്‍ വിതരണം സ്തംഭനത്തിലേക്ക് പോകുന്നുവെന്ന് സൂചന. ഈ മാസം വിതരണം ചെയ്യാനുള്ള ഭക്ഷ്യധാന്യങ്ങള്‍ റേഷന്‍ കടകളില്‍ ഇല്ലെന്നാണറിവ്. റേഷന്‍ വ്യാപാരികള്‍ക്കും വാതില്‍പ്പടി വിതരണക്കാര്‍ക്കും മാസങ്ങളായി തുക തന്നെ കുടിശ്ശികയിലാണ്. നാലുമാസത്തെ പണം കിട്ടാതെ സാധനങ്ങള്‍ എത്തിക്കെല്ലെന്നാണ് വാതില്‍പ്പടി വിതരണക്കാരും. ഈ മാസം പത്താംതിയതിയോടുകൂടി റേഷന്‍ കടകളില്‍ അവശേഷിക്കുന്ന അരി അടക്കമുള്ള ഭക്ഷ്യധാന്യങ്ങള്‍ തീരുന്നതാണ്.

പണം ലഭിക്കാത്തതിനാല്‍ വാതില്‍പ്പടി വിതരണക്കാര്‍ റേഷന്‍കടകളിലേക്ക് സാധനങ്ങള്‍ എത്തിച്ചിട്ടില്ല. കഴിഞ്ഞ മൂന്നു മാസമായി വാതില്‍പടി വിതരണക്കാര്‍ക്ക തുക കുടിശ്ശികയാണ്. ഈ തുക പൂര്‍ണമായി നല്‍കാതെ ഇനി റേഷന്‍ കടകളിലേക്ക് സാധനങ്ങള്‍ എത്തിക്കില്ല എന്ന നിലപാടില്‍ തന്നെയാണ് വിതരണക്കാര്‍.

 രണ്ടുമാസമായി റേഷന്‍ വ്യാപാരികള്‍ക്കും വേതനം ലഭിച്ചിട്ടില്ല. പലതവണ ഭക്ഷ്യ മന്ത്രിയെ വ്യാപാരികളും വാതില്‍പ്പടി വിതരണക്കാരും നേരിട്ട് കണ്ടെങ്കിലും സപ്ലൈകോ ആസ്ഥാനത്തിന് മുന്നില്‍ സമരം നടത്തുമെന്നും വാതില്‍പ്പടി വിതരണക്കാര്‍ മുന്നറിയിപ്പ് നല്‍കിയിട്ടുണ്ട്. മുഖ്യമന്ത്രി റേഷന്‍ മേഖലയിലെ പ്രശ്‌നങ്ങളില്‍ ഇടപെട്ട് പരിഹാരം കാണണമെന്നാണ് വ്യാപാരികള്‍ ആവശ്യപ്പെടുന്നത്. പണം ലഭിച്ചില്ലെങ്കില്‍ റേഷന്‍ കടകള്‍ അടച്ചിട്ട് അനിശ്ചിതകാല സമരത്തിലേക്ക് പോകാനുള്ള ആലോചനയിലാണ് വ്യാപാരികള്‍.

There are indications that the public distribution system in Kerala is heading towards disruption. Ration shops are reportedly running out of food grains scheduled for distribution this month.