കൂത്തുപറമ്പ്: മുന്‍ മുഖ്യമന്ത്രി വി.എസ് അച്യുതാനന്ദന്‍ സിനിമയില്‍ അഭിനയിക്കാന്‍ നാളെ കൂത്തുപറമ്പിലെത്തും. കൂത്തുപറമ്പിലെ ദൃശ്യ ആര്‍ട്‌സ് ക്ലബ്ബ് നിര്‍മ്മിക്കുന്ന കാമ്പസ് ഡയറി എന്ന സിനിമയില്‍ അഭിനയിക്കാനാണ് വി.എസ് എത്തുന്നത്.
കാമ്പസ് വിഷയങ്ങളിലേക്കും പാരിസ്ഥിതിക പ്രശ്‌നങ്ങളിലേക്കും വിരല്‍ചൂണ്ടുന്ന സിനിമയില്‍ വിദ്യാര്‍ഥികള്‍ നടത്തുന്ന സമരത്തെ അഭിസംബോധന ചെയ്യുകയും സമരത്തിന് പിന്തുണ നല്കുകയും ചെയ്യുന്ന വേഷമാണ് വി.എസിന്റേത്. യഥാര്‍ഥ വി.എസ് അച്യുതാനന്ദന്‍ ആയി തന്നെയാണ് സിനിമയില്‍ വേഷമിടുന്നത്. വി.എസ് അഭിനയിക്കുന്ന ഭാഗം നാളെ രാവിലെ ഒന്‍പതിനു വലിയവെളിച്ചം വ്യാവസായിക കേന്ദ്രത്തില്‍ നടക്കും.