ലഖ്‌നൗ: അതിഥി തൊഴിലാളികളില്‍ നിന്ന് ട്രെയിന്‍ ടിക്കറ്റിന് ചാര്‍ജ് ഈടാക്കുന്ന കേന്ദ്ര സര്‍ക്കാരിന്റെ നടപടിക്കെതിരേ ആഞ്ഞടിച്ച് കോണ്‍ഗ്രസ് നേതാവ് പ്രിയങ്കാഗാന്ധി.
151 കോടി രൂപ പി.എം കെയറിന് കൊടുക്കാന്‍ കഴിയുന്ന റെയില്‍വേക്ക് സൗജന്യമായി തൊഴിലാളികളെ തിരികെ നാട്ടിലേക്കെത്തിക്കാന്‍ സാധിക്കാതിരിക്കുന്നത് എന്തുകൊണ്ടെന്നും പ്രിയങ്ക ചോദിച്ചു.
വിഷയത്തില്‍ മോദി സര്‍ക്കാരിനെ ശക്തമായി വിമര്‍ശിച്ച പ്രിയങ്ക നമസ്‌തേ ട്രംപ് പോലുള്ള പരിപാടിക്ക് 100 കോടി രൂപ ചെലവഴിക്കാന്‍ സര്‍ക്കാരിന്റെ പക്കല്‍ പണമുണ്ടായ കാര്യം ചൂണ്ടിക്കാട്ടി. തൊഴിലാളികള്‍ രാജ്യത്തിന്റെ ശില്‍പികളാണെന്നത് മറക്കരുതെന്നും അവര്‍ ഓര്‍മിപ്പിച്ചു.