ന്യൂഡല്‍ഹി: തോമസ് ഐസക്ക് അവതരിപ്പിച്ച് ഇടതു സര്‍ക്കാറിന്റെ ബജറ്റ് മല എലിയെ പ്രസവിച്ചത് പോലെയെന്ന് കെ.പി.സി.സി പ്രസിഡന്റ് വി.എം സുധീരന്‍. ബജറ്റ് വളരെ നിരാശാജനകമാണ്. വിലക്കയറ്റം പിടിച്ചുനിര്‍ത്താനുള്ള ഒരു പദ്ധതിയും ബജറ്റിലില്ലെന്നും അദ്ദേഹം കുറ്റപ്പെടുത്തി. ഡല്‍ഹിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു സുധീരന്‍. ജനങ്ങള്‍ക്ക് വലിയ ദുരിതം വരുത്തിവെക്കുന്ന പ്രഖ്യാപനങ്ങളാണ് വലിയ പ്രതീക്ഷകള്‍ നല്‍കി അധികാരത്തിലെത്തിയ സര്‍ക്കാര്‍ പ്രഖ്യാപിച്ചതെന്നും അദ്ദേഹം പറഞ്ഞു.