കോഴിക്കോട്: ട്രയിനില്‍ നിന്ന് ചാടി പോക്‌സോ കേസ് പ്രതി രക്ഷപ്പെട്ടു. പ്രതിയായ അസം സ്വദേശി നസീദുല്‍ ഷെയ്ഖാണ് രക്ഷപ്പെട്ടത്. ഇതര സംസ്ഥാനക്കാരിയായ 13കാരിയെ തട്ടിക്കൊണ്ടുപോയ കേസിലെ പ്രതിയാണ് നസീദുല്‍ ഷെയ്ഖ്. നാല് മാസം മുമ്പാണ് നല്ലളം പൊലിസ് പരിധിയില്‍ പോക്‌സോ കേസിന് ആസ്പദമായ സംഭവം നടക്കുന്നത്.

പ്രതിയെ അസം പൊലിസിന്റെ സഹായത്തോടെ നല്ലളം പൊലിസ് പിടികൂടുകയായിരുന്നു. കോഴിക്കോട്ടേക്ക് വരുമ്പോള്‍ ബിഹാര്‍ അതിര്‍ത്തിയില്‍ വച്ച് പ്രതി ട്രെയിനില്‍ നിന്ന് ചാടി രക്ഷപ്പെടുകയായിരുന്നു.