തേഞ്ഞിപ്പലം: സമസ്തയുടെ 9,814 അംഗീകൃത മദ്‌റസകളില്‍ ജൂണ്‍ 23 മുതല്‍ പുതിയ അധ്യയനവര്‍ഷത്തിന് തുടക്കമാവുന്നു. സമസ്ത കേരള ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ എല്ലാ മദ്‌റസകളിലും 'നേരറിവ് നല്ല നാളേക്ക്' എന്ന പ്രമേയത്തില്‍ 'മിഹ്‌റജാനുല്‍ ബിദായ' എന്ന പേരില്‍ അധ്യയന വര്‍ഷാരംഭ പരിപാടികള്‍ നടക്കും. 

ഒന്നര ലക്ഷം കുരുന്നുകളാണ് ഇത്തവണ പുതുതായി മദ്‌റസകളിലെത്തുക. കാംപയിനിന്റെ സംസ്ഥാനതല ഉദ്ഘാടനം ജൂണ്‍ 22ന് വൈകുന്നേരം 4 മണിക്ക് ഫറോക്ക് മണ്ണൂര്‍ കിഴക്കുമ്പാട് തന്‍ബീഹുല്‍ ഉലൂം മദ്‌റസയില്‍ നടക്കും.
സി.കെ.എം. സ്വാദിഖ് മുസ്‌ലിയാരുടെ അധ്യക്ഷതയില്‍ സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും. എം.ടി. അബ്ദുല്ല മുസ്‌ലിയാര്‍ അവാര്‍ഡ് ദാനം നിര്‍വഹിക്കും. ഡോ. ബഹാഉദ്ദീന്‍ മുഹമ്മദ് നദ്‌വി, കെ.മോയിന്‍കുട്ടി മാസ്റ്റര്‍, എം.എ. ചേളാരി, കെ.കെ. ഇബ്‌റാഹീം മുസ്‌ലിയാര്‍, പുറങ്ങ് മൊയ്തീന്‍ മുസ്‌ലിയാര്‍, കൊടക് അബ്ദുറഹിമാന്‍ മുസ്‌ലിയാര്‍, കെ.ടി. ഹുസൈന്‍കുട്ടി മൗലവി, സയ്യിദ് മുബശ്ശിര്‍ തങ്ങള്‍ പ്രസംഗിക്കും.
ചേളാരിയില്‍ ചേര്‍ന്ന സംസ്ഥാന എക്‌സിക്യൂട്ടീവ് യോഗത്തില്‍ കാംപയിനിന് അന്തിമ രൂപം നല്‍കി. സി.കെ.എം. സ്വാദിഖ് മുസ്‌ലിയാര്‍ അധ്യക്ഷനായി. എം.ടി. അബ്ദുല്ല മുസ്‌ലിയാര്‍, മൊയ്തീന്‍കുട്ടി ഫൈസി വാക്കോട്, ഡോ.ബഹാഉദ്ദീന്‍ മുഹമ്മദ് നദ്‌വി, ഡോ.എന്‍.എ.എം.അബ്ദുല്‍ ഖാദിര്‍, കെ.കെ ഇബ്രാഹീം മുസ്‌ലിയാര്‍ കോഴിക്കോട്, ടി.മൊയ്തീന്‍ മുസ്‌ലിയാര്‍ പുറങ്ങ്, കെ.മോയിന്‍കുട്ടി മാസ്റ്റര്‍ മുക്കം, എം.എ. ചേളാരി, പി.ഹസ്സന്‍ മുസ്‌ലിയാര്‍ വണ്ടൂര്‍, ഹുസൈന്‍കുട്ടി മൗലവി പുളിയാട്ടുകുളം, അബ്ദുല്‍ ഖാദര്‍ അല്‍ ഖാസിമി മലപ്പുറം വെസ്റ്റ്, സി.മുഹമ്മദലി ഫൈസി പാലക്കാട്, മൗലവി അബ്ദുല്‍ ഖാദര്‍ മന്നാനി കന്യാകുമാരി, പി.കെ.ശറഫുദ്ദീന്‍ ബാഖവി കൊല്ലം, ജഅ്ഫര്‍ മൗലവി ടി.എച്ച്. ആലപ്പുഴ, പി.ഇ.മുഹമ്മദ് ഫൈസി ഇടുക്കി, വി.എം.ഇല്യാസ് ഫൈസി തൃശൂര്‍, അബ്ദുസ്സമദ് ദാരിമി എറണാകുളം, എ.ആര്‍. ശറഫുദ്ദീന്‍ അല്‍ ജാമിഇ തിരുവനന്തപുരം, പി.ഹസൈനാര്‍ ഫൈസി കോഴിക്കോട്, എ.എം ശരീഫ് ദാരിമി നീലഗിരി, എം.എം ഇമ്പിച്ചിക്കോയ മുസ്‌ലിയാര്‍ വയനാട്, അബ്ദുസ്സമദ് മൗലവി മുട്ടം, എം.അബ്ദുറഹിമാന്‍ മുസ്‌ലിയാര്‍ കൊടക്, എസ്.എം ഹംസ മുസ്‌ലിയാര്‍ ചിക്മംഗളൂരു, കെ.എല്‍ ഉമര്‍ ദാരിമി മംഗലാപുരം സംസാരിച്ചു.