കൊച്ചി: വിദേശത്തു കുടുങ്ങിയ ഇന്ത്യക്കാരെ തിരിച്ചെത്തിക്കാന്‍ നാവികസേനയുടെ ഓപ്പറേഷന്‍ സമുദ്രസേതു തുടങ്ങി. നാവികസേനയുടെ ജലാശ്വ, മഗര്‍ എന്നീ കപ്പലുകള്‍ മാലിദ്വീപിലേയ്ക്ക് യാത്ര ആരംഭിച്ചു. വെള്ളിയാഴ്ച ദ്വീപില്‍ നിന്നുള്ള ആദ്യ സംഘം കൊച്ചിയിലേക്ക് തിരിക്കും.

ആയിരം പേരെയാണ് ലിസ്റ്റില്‍ ഉള്‍പെടുത്തിയിട്ടുള്ളത്. കൊച്ചിയിലെത്തിക്കുന്നവരെ സര്‍ക്കാര്‍ ഒരുക്കിയിട്ടുള്ള കേന്ദ്രത്തിലേക്ക് മാറ്റുമെന്നും നാവികസേനാ അധിക്രതര്‍ അറിയിച്ചു.