പേരാമ്പ്ര: വീട്ടുമുറ്റത്തെ ആള്‍മറയില്ലാത്ത കിണറില്‍ വീണ മധ്യവയസ്‌കനെ പേരാമ്പ്ര അഗ്നിശമന സേന രക്ഷിച്ചു. ചങ്ങരോത്ത് പഞ്ചായത്തിലെ കന്നാട്ടിയില്‍ വെള്ളിയാഴ്ച രാത്രി പത്തോടെയാണ് സംഭവം.
മാവുള്ളപറമ്പില്‍ അബ്ദുല്ല(50)യാണ് തറവാട് വീട്ടിലെ 50 അടി താഴ്ചയുള്ള കിണറില്‍ അബദ്ധത്തില്‍ വീണത്. ലീഡിങ് ഫയര്‍മാന്‍ പ്രദീപിന്റെ നേതൃത്വത്തിലുള്ള ഫയര്‍ഫോഴ്‌സാണ് രക്ഷാപ്രവര്‍ത്തനം നടത്തിയത്.
പേരാമ്പ്ര ഇ.എം.എസ് സഹകരണ ആശുപത്രിയില്‍ പ്രവേശിപ്പിച്ച അബ്ദുള്ളയെ പിന്നീട് മെഡിക്കല്‍ കോളജില്‍ പ്രവേശിപ്പിച്ചു.