കൊച്ചി: പാസ്‌പോര്‍ട്ട് സംബന്ധമായ അന്വേഷണങ്ങള്‍ക്ക് മെയ് 11 മുതല്‍ ഓണ്‍ലൈന്‍ അപ്പോയിന്റ്‌മെന്റ് നിര്‍ബന്ധമാക്കിയതായി കൊച്ചിയിലെ റീജ്യനല്‍ പാസ്‌പോര്‍ട്ട് ഓഫിസ് അറിയിച്ചു. കൊവിഡ് പശ്ചാത്തലത്തില്‍ ഓഫിസുകളിലെ തിരക്കൊഴിവാക്കാനും സാമൂഹിക അകലം പാലിക്കാനുമുള്ള കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ മാര്‍ഗനിര്‍ദേശ പ്രകാരമാണിത്.
ഓഫിസിലെത്തുമ്പോള്‍ അപ്പോയിന്‍മെന്റ് ഷീറ്റിന്റെ പ്രിന്റ് ഔട്ടും കൊണ്ടുവരണം. മുന്‍കൂറായി ഓണ്‍ലൈന്‍ അപ്പോയിന്‍മെന്റ് എടുക്കാത്തവരുടെ അന്വേഷണങ്ങള്‍ സ്വീകരിക്കുന്നതല്ല.