കൊയിലാണ്ടി: കെട്ടിടത്തിന് ഫിറ്റ്നസ് ഇല്ലാത്തതിനെ തുടർന്ന് കൊയിലാണ്ടി പുളിയഞ്ചേരി സൗത്ത് എൽപി സ്‌കൂൾ അധികൃതർ അടച്ചുപൂട്ടി. കഴിഞ്ഞ രണ്ടു ദിവസമായി സ്‌കൂൾ പ്രവർത്തിക്കുന്നില്ല. സ്‌കൂൾ പെട്ടെന്ന് അടച്ചുപൂട്ടിയതോടെ നൂറിലധികം വിദ്യാർഥികളുടെ പഠനമാണ് ഇതോടെ പ്രതിസന്ധിയിലായിരിക്കുന്നത്.

കെട്ടിടത്തിന്റെ അറ്റകുറ്റപ്പണികൾ അടിയന്തരമായി തീർക്കണമെന്ന് ആവശ്യപ്പെട്ട് ഒരു മാസം മുമ്പ് നഗരസഭ സ്‌കൂൾ മാനേജ്‌മെന്റിന് നോട്ടീസ് നൽകിയിരുന്നു. സ്‌കൂളിന്റെ നിലവിലുള്ള മൂന്ന് കെട്ടിടങ്ങളും പൂർണ്ണമായും സുരക്ഷിതമല്ലെന്നാണ് നഗരസഭയുടെ കണ്ടെത്തൽ. ഇതിൽ രണ്ട് കെട്ടിടങ്ങൾ ഓടിട്ടതും ഒരെണ്ണം ആസ്ബറ്റോസ് മേഞ്ഞതുമാണ്. ഓടിട്ട കെട്ടിടങ്ങളുടെ ഓടുകൾ പൊട്ടി ഉള്ളിലേക്ക് ശക്തമായി വെള്ളമിറങ്ങുന്ന അവസ്ഥയിലാണുള്ളത്.

അതേസമയം, കുട്ടികളുടെ പഠനം മുടങ്ങാതിരിക്കാനുള്ള ബദൽ സംവിധാനങ്ങൾ ഒരുക്കാനുള്ള ശ്രമത്തിലാണ് അധികൃതർ. താൽക്കാലികമായി ക്ലാസുകൾ നടത്താൻ അനുയോജ്യമായ കെട്ടിടം കണ്ടെത്താനായി നഗരസഭാ കൗൺസിലും പിടിഎയും അടിയന്തര യോഗം ചേർന്ന് ചർച്ചകൾ നടത്തിവരികയാണ്.

A school in Koyilandy has been shut down due to a lack of fitness certification for its building, leaving numerous students in a difficult situation regarding their education.