റാസല്‍ ഖൈമ: ദുരിതമനുഭവിക്കുന്ന ഫലസ്തീനികളെ സഹായിക്കുന്നതിന് യു.എ.ഇയുടെ 100 ടണ്‍ ദുരിതാശ്വാസ സാമഗ്രികള്‍ ഗസ്സയിലേക്ക്. ഓപറേഷന്‍ ഷിവലറസ് നൈറ്റ്-3 പ്രകാരം ഇന്നലെ റാസല്‍ ഖൈമ അന്താരാഷ്ട്ര വിമാനത്താവളത്തില്‍ നിന്ന് അവശ്യവസ്തുക്കളുമായി സഹായ വിമാനം ഗാസ മുനമ്പിലേക്ക് പുറപ്പെട്ടു.

എമിറേറ്റ്‌സ് റെഡ് ക്രസന്റ്, എമിറാത്തി-ഫലസ്തീന്‍ ഫ്രണ്ട്ഷിപ്പ് ക്ലബ്, ദാറുല്‍ ബിര്‍ സൊസൈറ്റി എന്നിവയുടെ സഹകരണത്തോടെയാണ് ദുരിതാശ്വാസ സാമഗ്രികള്‍ സമാഹരിച്ചത്. ഫലസ്തീനികളുടെ അടിയന്തര മാനുഷിക ആവശ്യങ്ങള്‍ നിറവേറ്റുന്നതിനും ദുരിതത്തിലായ കുടുംബങ്ങളെ സഹായിക്കുന്നതിനുമായി ഇത് വിതരണം ചെയ്യും. 

കുട്ടികള്‍ക്കുള്ള പോഷകാഹാരം, മരുന്നുകള്‍, വസ്ത്രങ്ങള്‍ എന്നിവയാണ് വിമാനത്തിലുള്ളത്. യു.എ.ഇ ഭരണനേതൃത്വത്തിന്റെ സഹകരണത്തോടെയാണ് സഹായം എത്തിക്കുന്നത്. അവശ്യവസ്തുക്കള്‍ സമാഹരിച്ച് ഫലസ്തീന്‍ ജനതയ്ക്ക് എത്തിച്ചുനല്‍കുന്നത് തുടരുമെന്ന് ഓപറേഷന്‍ ഷിവലറസ് നൈറ്റ്-3 ന്റെ ദുരിതാശ്വാസ പ്രവര്‍ത്തന കോ-ഓര്‍ഡിനേറ്റര്‍ ഹമ്മൂദ് അല്‍ അഫാരി പറഞ്ഞു.

English summary : The UAE has dispatched 100 tonnes of humanitarian aid to Gaza to support Palestinians affected by the ongoing humanitarian crisis. The relief flight departed from Ras Al Khaimah International Airport on Friday under Operation Chivalrous Knight 3.