വാഷിങ്ടണ്‍: തന്നെ കൊല്ലാന്‍ ശ്രമിച്ചതിനു പിന്നില്‍ അമേരിക്കയും കൊളംബിയയുമാണെന്ന വെനിസ്വേല പ്രസിഡന്റ് നിക്കോളാസ് മഡ്യൂറോയുടെ ആരോപണം തള്ളി ട്രംപ്. തങ്ങള്‍ക്കതില്‍ പങ്കില്ലെന്ന് കഴിഞ്ഞ ദിവസം അദ്ദേഹം വ്യക്തമാക്കി.
മഡ്യൂറോയെ വധിക്കാന്‍ ലക്ഷ്യമിട്ടെന്നാരോപിച്ച് അമേരിക്കന്‍ പൗരന്‍മാരടക്കമുള്ള സംഘത്തെ കഴിഞ്ഞ ദിവസം വെനിസ്വേലയില്‍ പൊലിസ് പിടികൂടിയിരുന്നു.
ഇതിനു പിന്നാലെയായിരുന്നു മഡ്യൂറോ ഈ ആരോപണം ഉന്നയിച്ചിരുന്നത്. അറസ്റ്റിലായ അമേരിക്കക്കാര്‍ മുന്‍പ് യു.എസ് സ്‌പെഷല്‍ ഫോഴ്‌സില്‍ ഉള്ളവരായിരുന്നെന്നും വെനിസ്വേല ആരോപിച്ചിരുന്നു.