മലപ്പുറം: കാര്‍ഷിക വികസന, കര്‍ഷക ക്ഷേമ വകുപ്പ് ആത്മയുടെ ആഭിമുഖ്യത്തില്‍ സംഘടിപ്പിക്കുന്ന പി.എം.കെ.എസ്.വൈ ജില്ലാ കാര്‍ഷിക മേള 22 മുതല്‍ 24 വരെ നിലമ്പൂര്‍ വീട്ടിക്കുത്ത് ഗവ. എല്‍.പി സ്‌കൂളില്‍ നടക്കും.
മേളയുടെ ഭാഗമായി വിവിധ വിഷയങ്ങളില്‍ കാര്‍ഷിക സെമിനാറും കാര്‍ഷിക അനുബന്ധോപാധികളുടെയും നൂതന കാര്‍ഷിക യന്ത്രങ്ങളുടെയും പ്രദര്‍ശനവും വില്‍പനയും നടക്കും. സര്‍ക്കാര്‍ കൃഷി ഫാമുകള്‍ക്കൊപ്പം സര്‍ക്കാര്‍ സബ്‌സിഡി ലഭ്യമായ സ്വകാര്യ ഏജന്‍സികളും പങ്കെടുക്കും. മൃഗസംരക്ഷണ വകുപ്പിന്റെ ആഭിമുഖ്യത്തില്‍ വളര്‍ത്തു മൃഗങ്ങളുടെ പ്രദര്‍ശനവും വില്‍പനയുമുണ്ടാകും.
22 ന് ഉച്ചയ്ക്കു രണ്ടിനു കൃഷി വകുപ്പ് മന്ത്രി വി.എസ് സുനില്‍കുമാര്‍ ഉദ്ഘാടനം ചെയ്യും. പി.വി അന്‍വര്‍ എം.എല്‍.എ അധ്യക്ഷനാകും. പി.വി.അബ്ദുല്‍ വഹാബ് എം.പി, എം.എല്‍.എമാരായ പി.കെ ബഷീര്‍, എ.പി അനില്‍കുമാര്‍, ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ പങ്കെടുക്കും. തുടര്‍ന്നു ഹരിത കേരള മിഷന്റെ ആഭിമുഖ്യത്തില്‍ മണ്ണ്, ജല സംരക്ഷണ സെമിനാര്‍, 23നു രാവിലെ പത്തിനു മണ്ണ്, ആരോഗ്യ പരിപാലന സെമിനാര്‍, 24നു രാവിലെ പത്തിനു മൃഗ സംരക്ഷണ സെമിനാര്‍, ഇന്‍വെസ്‌റ്റേഴ്‌സ് മീറ്റ് എന്നിവ നടക്കും. വൈകിട്ട് നാലിനു സമാപന സമ്മേളനം എം.ഐ ഷാനവാസ് എം.പി ഉദ്ഘാടനം ചെയ്യും. ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ അധ്യക്ഷനാകും.