ഗൂഡല്ലൂര്‍: നെല്ലാക്കോട്ട ടൗണില്‍ ആയിരങ്ങള്‍ മുടക്കി നിര്‍മിച്ച ബസ് സ്‌റ്റോപ്പ് നോക്കുകുത്തിയാകുന്നു. പഞ്ചായത്താണ് ഗൂഡല്ലൂര്‍-സുല്‍ത്താന്‍ ബത്തേരി റോഡില്‍ ബസ് സ്റ്റോപ്പ് നിര്‍മിച്ചത്.
 ബസ് സ്റ്റോപ്പ് നിര്‍മിച്ചെങ്കിലും ബസുകള്‍ ഇവിടെ നിര്‍ത്തിയിരുന്നില്ല. തുടര്‍ന്ന് മറ്റു സ്ഥലങ്ങളില്‍ റോഡരികിലാണ് ജനങ്ങള്‍ ബസ് കാത്തുനിന്നിരുന്നത്. നെല്ലാക്കോട്ടയില്‍ രണ്ട് ബസ് കാത്തിരിപ്പു കേന്ദ്രങ്ങളുണ്ടെങ്കിലും ഇവിടെയും ബസ് നിര്‍ത്തുന്നില്ലെന്ന് പരാതിയുണ്ട്.
നിലവില്‍ ഉപയോഗശൂന്യമായ ബസ് സ്‌റ്റോപ്പ് പഞ്ചായത്ത് കോംപ്ലക്‌സിനു മാര്‍ഗ തടസ്സമായാണ് നില്‍ക്കുന്നത്. ഇത് പൊളിച്ചുമാറ്റണമെന്ന ആവശ്യവും ഉയരുന്നുണ്ട്.