പുതുനഗരം: വേനല്‍ ചൂട് ശക്തമായതോടെ മാവുകളെ നനക്കുവാന്‍ ടാങ്കര്‍ ലോറികളില്‍ വെള്ളമെത്തിക്കുന്നു. മുതലമടയിലെ കുഴല്‍കിണറുകളിലെ ജലനിരപ്പ് താഴന്ന പ്രദേശങ്ങളിലാണ് വലിയ കന്നാസുകളിലും ടാങ്കര്‍ ലോറികളിലുമായി വെള്ളം കൊണ്ടുവന്ന് മാവിന്‍തോട്ടങ്ങള്‍ നക്കുന്നത്. മാവുകള്‍ ഇത്തവണ വിളവ് കുറഞ്ഞെങ്കിലും നിലവിലെ വിളവുണ്ടായ മാവുകള്‍ വേനല്‍ചൂട് മൂലം കൊഴിഞ്ഞു പോകാതിരിക്കുവാനാണ് ജലസേചനം നടത്തുന്നത്.
കുഴല്‍ക്കിണര്‍ സ്ഥാപിച്ചവര്‍ ട്രിപ്പ് ഇറിഗേഷനിലൂടെയും മാവുകളെ നനക്കുന്നുണ്ട്. വേനല്‍ ചൂട് തുടര്‍ന്നും ശക്തമായാര്‍ ജലസേചനത്തിന് സാധ്യമാകാത്ത് മാവുകളിലെ മാങ്ങകള്‍ പൂര്‍ണമായും കൊഴിയുമെന്ന ഭീതിയിലാണ് മുതലമടയിലെ മാവുകര്‍ഷകര്‍.