ആലപ്പുഴ: കട്ടച്ചിറ വെള്ളാപ്പള്ളി നടേശന്‍ എന്‍ജിനിയറിങ് കോളജ് വിദ്യാര്‍ഥി ആര്‍.ആര്‍ഷരാജിനെ ആത്മഹത്യാ ശ്രമത്തിലേക്ക് നയിച്ച സംഭവത്തിലെ മുഴുവന്‍ പ്രതികളേയും അറസ്റ്റ് ചെയ്യണമെന്ന് ഡി.സി.സി പ്രസിഡന്റ് എം ലിജു ആവശ്യപ്പെട്ടു.
പ്രതികളെ അറസ്റ്റ് ചെയ്ത് ചോദ്യം ചെയ്യുന്നതിന് പകരം എസ്.എഫ്.ഐയെക്കൊണ്ട് സമരനാടകം നടത്തിക്കുകയാണ് സര്‍ക്കാര്‍.
ജിഷ്ണു പ്രണോയി കേസില്‍ പ്രതികളായ മാനേജ്‌മെന്റ് പ്രനിധികള്‍ക്ക് ജാമ്യം കിട്ടാനും, രക്ഷപെടാനും അവസരം ഒരുക്കി കൊടുത്തതു പോലെയാണ് ഈ കേസിലും ഇതുവരെ സ്വീകരിച്ചിരിക്കുന്ന നടപടി.
പ്രതികളെ അറസ്റ്റ് ചെയ്യാതെ രക്ഷപെടുവാനുള്ള സാഹചര്യം സര്‍ക്കാര്‍ ഒരുക്കി കൊടുക്കുകയാണ്. എസ്.എഫ്.ഐക്ക് ആത്മാര്‍ത്ഥത ഉണ്ടെങ്കില്‍ പ്രതികളെ അറസ്റ്റ് ചെയ്യണമെന്നാവശ്യപ്പെട്ട് മുഖ്യമന്ത്രിയുടെ ഓഫിസിലേക്ക് മാര്‍ച്ച് നടത്തുകയാണ് വേണ്ടത്.
 പ്രതികളെ രക്ഷിക്കാന്‍ സര്‍ക്കാര്‍ നടത്തുന്ന ശ്രമം അവസാനിപ്പിക്കണമെന്നും ലിജു ആവശ്യപ്പെട്ടു.