കൊച്ചി : കൊവിഡ്-19ന്റെ പശ്ചാത്തലത്തില്‍ മസ്ജിദുകളും മദ്‌റസകളും അടച്ചിട്ടതിന്റെ പേരില്‍ പലയിടങ്ങളിലും വ്യാപകമായി ജീവനക്കാരെ ജോലിയില്‍ നിന്നും പിരിച്ചു വിടുന്നത് ശ്രദ്ധയില്‍പ്പെട്ടിട്ടുണ്ടെന്നും ദാന ധര്‍മങ്ങള്‍ക്ക്  പ്രാധാന്യം നല്‍കുന്ന പരിശുദ്ധ റമദാന്‍ മാസത്തിന്റെ സന്ദേശം ഉള്‍ക്കൊണ്ട് കൊണ്ട് അത്തരം നടപടികള്‍ അവസാനിപ്പിക്കണമെന്നും കേരള സ്റ്റേഫ് വഖ്ഫ് ബോര്‍ഡ് ചെയര്‍മാന്‍ അഡ്വ. ടി.കെ ഹംസ മഹല്ല് -മദ്‌റസാ മാനേജ്‌മെന്റുകളോട് അഭ്യര്‍ഥിച്ചു. നാമമാത്രമായ വേതനം പറ്റി ജീവിക്കുന്ന മുഅല്ലിംകളെയും കുടുംബങ്ങളെയും പട്ടിണിയില്‍ നിന്നും കരകയറ്റാന്‍ ഓരോ മഹല്ല് കമ്മിറ്റികളും രംഗത്ത് ഇറങ്ങണമെന്നും ബോര്‍ഡ് ചെയര്‍മാന്‍ അഭ്യര്‍ഥിച്ചു.