മക്ക: കർഫ്യു മൂലം യാത്ര ചെയ്യാനാവാതെ ബുദ്ധിമുട്ടിലായ മക്കയിലെ പ്രവാസികൾക്ക് ആശ്വാസമായി കെഎംസിസി എയർപോർട്ട് സർവ്വീസ്. ജിദ്ദയിൽ നിന്നും ഇന്ന് കരിപ്പൂരിലേക്ക് പുറപ്പെടുന്ന വിമാനത്തിൽ യാത്ര ചെയ്യേണ്ടവർക്കാണ് കെഎംസിസി പ്രത്യേക അനുമതി വാങ്ങി യാത്രാ സർവ്വീസ് നടത്തിയത്. കർഫ്യു നിലനിൽക്കുന്നതിനാൽ യാത്ര ചെയ്യാൻ കഴിയാതെ ബുദ്ധിമുട്ടായ മലയാളികൾക്ക് സർവ്വീസ് ഏറെ ആശ്വാസകരമായിരുന്നു. യാത്രക്കാരെ രാവിലെ എട്ട്‌ മണിയോടെ മക്കയിലെ വിവിധ ഭാഗങ്ങളില്‍ നിന്നും കാക്കിയയിലെ സെന്‍ട്രല്‍ കമ്മറ്റി ഓഫീസ്‌ പരിസരത്ത്‌ എത്തിക്കുകയും അവിടെ നിന്നും പ്രത്യക അനുമതി നേടിയ ബസ്സിൽ ജിദ്ദ എയർപോർട്ടിലേക്ക് തിരിക്കുകയുമായിരുന്നു.