കാരിക്കോട്: റോഡ് പുറമ്പോക്ക് കൈയ്യേറി സ്വകാര്യ വ്യക്തി കടമുറി പണിയുന്നതായി പരാതി. കാരിക്കോട് കൈയ്യൂരിക്കല്‍ പാല്‍ സൊസൈറ്റിക്ക് സമീപമുള്ള ജംഗ്ഷനിലാണ്് റോഡ് കൈയ്യേറി കടമുറി പണിതിരിക്കുന്നത്. ജിഐ ഷീറ്റും, കമ്പിയും ഉപയോഗിച്ച് കോണ്‍ക്രീറ്റ് ചെയ്താണ് കടമുറി പണിതിരിക്കുന്നത്. മാത്രമല്ല മുറിക്കകം ടൈലും പാകിയിട്ടുണ്ട്. ഇനി കടമുറിയുടെ സൈഡ് ഭിത്തികൂടി പണിതാല്‍മതി. മുളക്കുളം പഞ്ചായത്തിന്റെ വിവിധ പ്രദേശങ്ങളില്‍ അനധികൃത കൈയ്യേറ്റങ്ങള്‍ നടന്നിട്ടും പൊതുമരാമത്ത വകുപ്പോ ബന്ധപ്പെട്ട അധികൃതരോ നടപടിയെടുക്കാന്‍ തയ്യാറാവുന്നില്ലെന്നും ആക്ഷേപമുണ്ട്.