മലപ്പുറം: ലോക്‌സഭാ മണ്ഡലത്തിലെ ഉപതെരഞ്ഞെടുപ്പില്‍ മികച്ച വിജയം നേടുമെന്ന് യു.ഡി.എഫ് സ്ഥാനാര്‍ഥി കുഞ്ഞാലിക്കുട്ടി. പാണക്കാട്ടെ സ്‌കൂളിലെ 97ാം ബൂത്തില്‍ വോട്ട് ചെയ്യാനെത്തിയപ്പോള്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.

സ്‌കൂളില്‍ ആദ്യവോട്ട് പാണക്കാട് ഹൈദരലി ശിഹാബ് തങ്ങള്‍ രേഖപ്പെടുത്തി. രണ്ടാം വോട്ടറായി കുഞ്ഞാലിക്കുട്ടിയും രേഖപ്പെടുത്തി. വോട്ട് ചെയ്യാനായി വന്‍ തിരക്കാണ് രാവിലെ തന്നെ രേഖപ്പെടുത്തിയത്.

മികച്ച ഭൂരിപക്ഷം ലഭിക്കുമെന്നാണ് പ്രതീക്ഷയെന്ന് ഹൈദരലി ശിഹാബ് തങ്ങളും പി.കെ കുഞ്ഞാലിക്കുട്ടിയും അഭിപ്രായപ്പെട്ടു. ഉപതെരഞ്ഞെടുപ്പായതിനാല്‍ മികച്ച പോളിങ് ഉണ്ടായിരിക്കുമെന്നും കുഞ്ഞാലിക്കുട്ടി പറഞ്ഞു.

വിജയപ്രതീക്ഷയുണ്ടെന്ന് എല്‍.ഡി.എഫ് സ്ഥാര്‍ഥി എം.ബി ഫൈസല്‍ പറഞ്ഞു. മികച്ച പ്രചാരണമാണ് കഴിഞ്ഞ ഒരു മാസമായി നടത്തിയത്. അത് തീര്‍ച്ചായയും വോട്ടിങ്ങില്‍ പ്രതിഫലിക്കുമെന്നും ഫൈസല്‍ പറഞ്ഞു.

[caption id="attachment_295130" align="alignnone" width="620"] പാണക്കാട് എ.എല്‍.പി സ്‌കൂളില്‍ വോട്ട് രേഖപ്പെടുത്തിയ യു.ഡി.എഫ് സ്ഥാനാര്‍ഥി പി.കെ.കുഞ്ഞാലിക്കുട്ടിയുടെ ഭാര്യ ഉമ്മു കുല്‍സുവും മക്കളായ ലിസിതയും ആഷിഖും[/caption]