മുസഫര്‍നഗര്‍: ഉത്തര്‍പ്രദേശിലെ മുസഫര്‍ നഗറിലെ ഒരു സ്വകാര്യ ആശുപത്രിയിലെ ഡോക്ടര്‍ രോഗി അറിയാതെ വൃക്ക മുക്കി. ശസ്ത്രക്രിയക്കിടെ ഡോക്ടര്‍ രോഗിയുടെ വൃക്കമോഷ്ടിച്ചുവെന്ന് ബന്ധുക്കള്‍ പാരാതിപ്പെട്ടതോടെയാണ് സംഭവം പുറത്തായത്. പരാതിയെ തുടര്‍ന്ന് ആശുപത്രി താല്‍ക്കാലികമായി അടച്ചു. മുസഫര്‍ നഗറിലെ ന്യൂമാണ്ടി സ്വകാര്യ ആശുപത്രിയിലാണ് സംഭവം. ഇഖ്ബാല്‍ എന്ന 60 വയസ്സുകാരനെ വ്യക്കയില്‍ കല്ല് വന്നതിനെ തുടര്‍ന്നാണ് ആശുപത്രിയില്‍ പ്രവേശിപ്പിച്ചത്. കല്ല് മാറ്റുന്നതിന് വേണ്ടി ഇയാളെ ശസ്ത്രക്രിയക്ക് വിധേയനാക്കിയിരുന്നു. ശസ്ത്രക്രിയക്കിടെ ഇയാളുടെ വൃക്ക ഡോക്ടര്‍ മോഷ്ടിച്ച് ഐസ് ബാഗില്‍ ഒളിപ്പിക്കുന്നത് കണ്ടെന്നാണ് ബന്ധുക്കളുടെ ആരോപണം.