ഫറോക്ക്: ചാലിയാര്‍-ദോഹ പ്രവാസി അസോസിയേഷന്റെ ആഭിമുഖ്യത്തില്‍ ചാലിയാര്‍ തീരത്ത് പതിനായിരം വൃക്ഷതൈകള്‍ നടുന്ന പദ്ധതിയുടെ ഫറോക്ക് മേഖലയിലെ ഉദ്ഘാടനം നഗരസഭാ ചെയര്‍പേഴ്‌സന്‍ ടി. സുഹറാബി നിര്‍വ്വഹിച്ചു.
പ്രവാസി അസോസിയേഷന്‍ പ്രസിഡന്റ് മശ്ഹൂദ് തിരുത്തിയാട് അധ്യക്ഷനായി. നഗരസഭാ വൈസ് ചെയര്‍മാന്‍ വി. മുഹമ്മദ് ഹസന്‍, സ്റ്റാന്‍ഡിങ് കമ്മിറ്റി ചെയര്‍മാന്മാരായ പി. ഹാഷിഫ്, എം. ബാക്കിര്‍, ടി. നുസറത്ത്, സബീന മന്‍സൂര്‍, ഖമറുദ്ദീന്‍ പരപ്പില്‍, എ.കെ ബാസില്‍, നാസര്‍ ഫറോക്ക്, സിറാജ്, രഘു, സഹീര്‍ പുഴക്കാട്ട് സംസാരിച്ചു.