ലഖ്‌നോ: കോണ്‍ഗ്രസ് നേതാവും മുന്‍ കേന്ദ്രമന്ത്രിയുമായിരുന്ന അഖിലേഷ് ദാസ് ഗുപ്ത (56)  അന്തരിച്ചു. ഹൃദയാഘാതത്തെ തുടര്‍ന്ന് ബുധനാഴ്ച രാവിലെയായിരുന്നു അന്ത്യം.

പാര്‍ട്ടിയില്‍ നിരവധി സ്ഥാനങ്ങള്‍ വഹിച്ച അദ്ദേഹം 2006-2008 ല്‍ യു.പി.എ സര്‍ക്കാറില്‍ സ്റ്റീല്‍ വകുപ്പ് സഹമന്ത്രിയായിരുന്നു. 1966 മുതല്‍ 2016 വരെ രാജ്യസഭാംഗമായിരുന്നു. ലഖ്‌നോ മേയറായും പ്രവര്‍ത്തിച്ചിട്ടുണ്ട്.
 
ഉത്തര്‍പ്രദേശ് മുന്‍ മുഖ്യമന്ത്രി ബാബു ബനാറസി ദാസന്റെ മകനാണ് അഖിലേഷ് ദാസ്. രാഷ്ട്രീയത്തില്‍ സജീവമായിട്ടും നിരവധി വിദ്യാഭ്യാസ മാധ്യമ സംരംഭങ്ങളും റിയല്‍ എസ്റ്റേറ്റ് ബിസിനസും അദ്ദേഹം നടത്തിയിരുന്നു. രാഷ്ട്രീയം തന്റെ വിനോദം മാത്രമാണ് എന്നാണ് അഖിലേഷ് ദാസ് പറഞ്ഞിരുന്നത്.


ഇതിനെല്ലാം പുറമെ സ്‌പോര്‍ട്‌സിലും അദ്ദേഹം സജീവമായിരുന്നു. മുന്‍ ബാഡ്മിന്റണ്‍ താരമായിരുന്ന അഖിലേഷ് ദാസ് ബാഡ്മിന്റണ്‍ അസോസിയേഷന്‍ ചെയര്‍മാനായും സേവനമനുഷ്ഠിച്ചു. ഇന്ത്യന്‍ ഒളിമ്പിക് അസോസിയേഷന്റെ വൈസ് പ്രസിഡന്റും ഉത്തര്‍പ്രദേശ് ഒളിമ്പിക് അസോസിയേഷന്‍ പ്രസിഡന്റുമാണ്.