പനമരം: കാട്ടാനയുടെ ആക്രമണം തുടരുന്ന പനമരത്തിനടുത്തെ കാപ്പും ചാലിലും പരിസര പ്രദേശങ്ങളിലും 144 പ്രഖ്യാപിച്ചു. രാവിലെ ആനയുടെ ആക്രമണത്തില്‍ പനമരം ആറുമൊട്ടംകുന്ന് കാളിയാര്‍ തോട്ടത്തില്‍ രാഘവന്‍(65) മരിച്ചതിന് പിന്നാലെ ആനയെ തുരത്തുന്നതിനിടെ ആറ് വനപാലകര്‍ക്ക് പരുക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. പനമരം പൊലിസ് സ്റ്റേഷനിലെ എ.എസ്. ഐ. സുരേഷിന്റെ പിതാവാണ് മരിച്ച രാഘവന്‍.

ഇന്ന് രാവിലെ പാല്‍ അളന്ന് തിരിച്ചു വീട്ടിലേക്ക് പോവും വഴി കാപ്പും ചാലില്‍ വെച്ച് ആനയുടെ മുന്‍മ്പില്‍ പെട്ട ഇദ്ദേഹത്തെ ആന ചവിട്ടി വീഴ്ത്തുകയായിരുന്നു .ഏറെ നേരം റോഡില്‍ കിടന്ന രാഘവനെ നാട്ടുകാര്‍ മാനന്തവാടി ജില്ലാ ആശുപത്രിയില്‍ പ്രവേശിപ്പിച്ചു .ഏഴരയോടെ മരണ പെടുകയായിരുന്നു. ആനയെ മയക്ക് വെടി വെക്കാനുള്ള ശ്രമത്തിലാണ് വനപാലകര്‍.