കൊല്‍ക്കത്ത: മുന്‍ ഇന്ത്യന്‍ താരമായ റെനഡി സിങ് ഐ ലീഗ് ക്ലബായ നെരോക്ക എഫ്.സിയുടെ പരിശീലകനാകുന്നു. റെനഡി ആദ്യമായാണ് ഒരു ക്ലബിന്റെ പരിശീലകനാകുന്നത്. ഈ സീസണ്‍ ഐ ലീഗില്‍ ടീമിന്റെ പ്രകടനം അത്ര മികച്ചതല്ലാത്തതിനാല്‍ മുന്‍ പരിശീലകന്‍ മാനുവല്‍ റെടനീരോയെ നെരോക്ക പുറത്താക്കിയിരുന്നു.

ഇന്ത്യക്ക് വേ@ണ്ടി അറുപതോളം ഫുട്‌ബോള്‍ മത്സരങ്ങള്‍ കളിച്ചിട്ടുള്ള താരമാണ് റെനഡി സിങ്. ഐ ലീഗിലെ രണ്ടാം ഡിവിഷനില്‍നിന്ന് ചാംപ്യന്‍മാരായിട്ടായിരുന്നു നെരോക്ക ഐ ലീഗിലെത്തിയത്. ആദ്യ സീസണില്‍ നിലവിലെ ഗോകുലത്തിന്റെ പരിശീലകനായ ഗിഫ്റ്റ് റൈഹാനായിരുന്നു ടീമിനെ പരിശീലിപ്പിച്ചിരുന്നത്. ആദ്യ സീസണില്‍ ടീമിന് മികച്ച റിസല്‍ട്ടുണ്ടാക്കാന്‍ സാധിച്ചു. എന്നാല്‍ രണ്ടാം സീസണില്‍ ശരാശരിയിലും താഴെയാണ് ടീമിന്റെ പ്രകടനം. ഇതാണ് നിലവിലെ പരിശീലകനെ പുറത്താക്കാന്‍ കാരണം. മുന്‍പ് പൂനെ സിറ്റിയുടെ സഹപരിശീലകനായി റെനഡി സിങ് പ്രവര്‍ത്തിച്ചിട്ടുണ്ടണ്ടായിരുന്നു.