കണ്ണൂര്‍: ലോക്ക്ഡൗണിനെ തുടര്‍ന്നു പട്ടിണിയായ പക്ഷികള്‍ക്കും മൃഗങ്ങള്‍ക്കും ഭക്ഷണവും വെള്ളവും നല്‍കുന്ന കാര്യത്തില്‍ മൃഗസംരക്ഷണ വകുപ്പും പൊലിസും അനാസ്ഥ കാണിക്കരുതെന്ന് സംസ്ഥാന മനുഷ്യാവകാശ കമ്മിഷന്‍. പക്ഷിമൃഗാദികള്‍ക്കു ഭക്ഷണവും വെള്ളവും നല്‍കാനെത്തുന്നവരെ പൊലിസ് വിലക്കുകയാണെന്ന പരാതിയില്‍ സംസ്ഥാന പൊലിസ് മേധാവി നടപടിയെടുക്കണമെന്നും കമ്മിഷന്‍ ജുഡീഷ്യല്‍ അംഗം പി. മോഹനദാസ് ആവശ്യപ്പെട്ടു.
പക്ഷിമൃഗാദികളോടു സ്‌നേഹവും പരിലാളനയും വേണമെന്നതു ഭരണഘടനാപരമായ ഉത്തരവാദിത്വമാണ്.
മൃഗസംരക്ഷണ വകുപ്പ് ഡയരക്ടറും റവന്യൂ പ്രിന്‍സിപ്പല്‍ സെക്രട്ടറിയും സംസ്ഥാന പൊലിസ് മേധാവിയും ഇക്കാര്യത്തില്‍ അടിയന്തര നടപടികള്‍ സ്വീകരിച്ച ശേഷം ഒരു മാസത്തിനകം റിപ്പോര്‍ട്ട് സമര്‍പ്പിക്കണമെന്നു കമ്മിഷന്‍ ഉത്തരവില്‍ ആവശ്യപ്പെട്ടു.