ബദിയടുക്ക: ടൗണിലും പരിസരങ്ങളിലും ഒറ്റ നമ്പര്‍ ലോട്ടറി ടിക്കറ്റിന്റെ സമാന്തരമായി മഡ്ക്ക കളി വ്യാപകമാവുന്നു. ഇതേ തുടര്‍ന്ന് ഇന്നലെ ബദിയടുക്ക എസ്.ഐ എ ദാമോദരന്റെ നേതൃത്വത്തില്‍ നടത്തിയ പരിശോധനയില്‍ മഡ്ക്ക കളിയില്‍ ഏര്‍പ്പെട്ട രണ്ടുപേരെ അറസ്റ്റു ചെയ്തു. മൂക്കംപാറക്ക് സമീപം പള്ളികണ്ടത്തെ പുരന്തര (30), കരിമ്പിലയിലെ നാഗേഷ് പ്രഭു (29) എന്നിവരെ അറസ്റ്റുചെയ്തു. ഇവരില്‍ നിന്നു 9050രൂപ പിടിച്ചെടുത്തു.
മുന്‍ ജില്ലാ പൊലിസ് മേധാവിയായിരുന്ന തോംസണ്‍ ജോസ് മഡ്ക്ക കളിക്കാര്‍ക്കെതിരേ കര്‍ശന നടപടി സ്വീകരിക്കാന്‍ നിര്‍ദേശം നല്‍കിയിരുന്നു. മഡ്ക്ക കളിയില്‍ ഏര്‍പ്പെട്ടവരെ പിടികൂടിയാല്‍ റോട്ടറി റേഗുലേഷനറി ആക്ട് പ്രകാരം കേസുമെടുത്തിരുന്നു.