റിയാദ്: സ്വദേശിയായ ഭാര്യയില്‍ നിന്നു പത്തു ലക്ഷം റിയാല്‍ കൈക്കലാക്കാനായി വിദേശി നടത്തിയ ബന്ദി നാടകം പൊളിഞ്ഞു. ഒടുവില്‍ വിദേശിയുള്‍പ്പെടെ പിന്നില്‍ പ്രവര്‍ത്തിച്ച രണ്ടണ്ടു പേര്‍ പൊലിസ് പിടിയിലുമായി. സഊദിയിലാണ് ഭര്‍ത്താവ് ബന്ദി നാടകം ഒരുക്കിയത്.
ഭര്‍ത്താവിനെ ബന്ദിയാക്കി ഭാര്യയെ ഭീഷണിപ്പെടുത്തി പണം കൈക്കലാക്കാനായിരുന്നു പദ്ധതി. എന്നാല്‍ ഭാര്യ പൊലിസില്‍ വിവരമറിയിച്ചതോടെ കാര്യങ്ങള്‍ കീഴ്‌മേല്‍ മറിയുകയായിരുന്നു. തോക്കുകളും കത്തികളുമായി വീട്ടില്‍ അതിക്രമിച്ചുകയറിയ രണ്ടണ്ടംഗ സംഘം ഭര്‍ത്താവിനെ ബന്ദിയാക്കിയതായി സ്വദേശി യുവതി പൊലിസ് കണ്‍ട്രോള്‍ റൂമില്‍ അറിയിക്കുകയായിരുന്നു. തങ്ങളുടെ പക്കല്‍ ബെല്‍റ്റ് ബോംബുണ്ടെണ്ടന്നും ഒരു മില്യണ്‍ റിയാല്‍ കൈമാറിയില്ലെങ്കില്‍ ഭര്‍ത്താവിനെ കൊലപ്പെടുത്തുമെന്നും സംഘം യുവതിയെ ഭീഷണിപ്പെടുത്തി.
യുവതിയുടെ മൊബൈല്‍ കേന്ദ്രീകരിച്ചു പൊലിസ് സ്ഥലംകണ്ടെണ്ടത്തുകയും ദമ്പതികളുടെ വീട്ടില്‍ കയറി സായുധസംഘത്തെ കീഴടക്കുകയുമായിരുന്നു. ഇതിനിടെ പൊലിസുകാരെ ചെറുക്കുന്നതിനും ഓടിരക്ഷപ്പെടുന്നതിനും പ്രതികള്‍ ശ്രമിച്ചു. സംഘത്തില്‍ ഒരാള്‍ അറബ് വംശജനും രണ്ടാമന്‍ ഏഷ്യക്കാരനുമാണ്. ഇവരെ ചോദ്യംചെയ്തതില്‍ നിന്നാണ് ബന്ദി നാടകത്തിനു പിന്നില്‍ പരാതിക്കാരിയുടെ ഭര്‍ത്താവായ അറബ് വംശജനാണെന്ന് വ്യക്തമായത്.