ന്യൂഡല്‍ഹി: ഐ.സി.എസ.്ഇ, ഐ.എസ്.ഇ ബോര്‍ഡ് പരീക്ഷകള്‍ക്കുള്ള പുതുക്കിയ തീയതി പ്രഖ്യാപിച്ചു. ഐ.സി.എസ്.ഇ പത്താം ക്ലാസ് പരീക്ഷകള്‍ ജൂലൈ രണ്ടു മുതല്‍ പന്ത്രണ്ടുവരെയാകും നടത്തുക. ഐ.എസ്.സി പന്ത്രണ്ടാം ക്ലാസ് പരീക്ഷ ജൂലൈ ഒന്നു മുതല്‍ 14 വരെയും നടത്തും.

കൊവിഡിന്റെ പശ്ചാത്തലത്തില്‍ സാമൂഹിക അകലം പാലിച്ചുകൊണ്ടുള്ള പരീക്ഷ നടത്താനാണ് ഉദ്ദേശിക്കുന്നത്. വിദ്യാര്‍ഥികള്‍ മാസ്്കും സാനിറ്റൈസറും കൊണ്ടുവരണം. സാമൂഹിക അകലം പാലിക്കുന്നുണ്ടെന്ന് സ്‌കൂള്‍ അധികൃതര്‍ ഉറപ്പുവരുത്തണമെന്നും ബോര്‍ഡ് അറിയിച്ചു.