തൊടുപുഴ: കയ്യേറ്റം ഒഴിപ്പിക്കാന്‍ മുന്‍കൈ എടുത്ത സബ്കലക്ടര്‍ ശ്രീറാം വെങ്കിട്ടരാമനെ രൂക്ഷമായി വിമര്‍ശിച്ച് സി.പി.എം നേതാവും ദേവികുളം എം.എല്‍.എയുമായ എസ്.രാജേന്ദ്രന്‍ രംഗത്ത്.സബ് കലക്ടര്‍ ജനങ്ങളെ വിഡ്ഢികളാക്കുകയാണെന്ന് അദ്ദേഹം പറഞ്ഞു.

സബ്കളക്ടറുടെ അഭിനയം നിര്‍ത്താന്‍ സര്‍ക്കാര്‍ നടപടി സ്വീകരിക്കണം. മലപ്പുറത്ത് ഉപതെരഞ്ഞെടുപ്പ് നടക്കുന്ന ദിവസം തന്നെ കയ്യേറ്റം ഒഴിപ്പിച്ചതില്‍ ഗൂഢാലോചനയുണ്ടെന്നും അദ്ദേഹം ആരോപിച്ചു. ഷെഡ് വെയ്ക്കാന്‍ പ്രേരണ സബ്കളക്ടര്‍ തന്നെയോ എന്ന് സംശയമുണ്ടെന്നും അദ്ദേഹം പറഞ്ഞു.

ഇന്നലെ ദേവികുളത്തെ കൈയേറ്റം ഒഴിപ്പിക്കാന്‍ നേരിട്ടെത്തിയ സബ്കളക്ടര്‍ ശ്രീറാം വെങ്കിട്ടരാമനെ ഇന്ന് റവന്യുമന്ത്രി ഇ.ചന്ദ്രശേഖരന്‍ ഫോണില്‍ വിളിച്ച് അഭിനന്ദിച്ചിരുന്നു. ഇതിന് പിന്നാലെയാണ് എസ്.രാജേന്ദ്രന്റെ പ്രതികരണം.