ചെന്നൈ: രാജ്യസഭാ എം.പിയും ഡി.എം.കെ സംഘടനാ സെക്രട്ടറിയുമായ ആര്‍.എസ് ഭാരതിയെ ചെന്നൈ പൊലിസ് അറസ്റ്റ് ചെയ്തു. ദളിത് ജഡ്ജിമാര്‍ക്കെതിരെ അപകീര്‍ത്തിപരമായ പരാമര്‍ശം നടത്തിയതിന് 1989 ലെ പട്ടികജാതി-പട്ടികവര്‍ഗ( അതിക്രമങ്ങള്‍ തടയല്‍) നിയമപ്രകാരമാണ് കേസെടുത്തത്.

ലോക്‌സഭാ എം.പി ദയാനിധി മാരന് എതിരെയും കേസ് എടുത്തിട്ടുണ്ട്.

മദ്രാസ് ഹൈക്കോടതി ഉള്‍പ്പെടെ ദളിത് വിഭാഗത്തില്‍ നിന്നുള്ള ധാരാളം ഹൈക്കോടതി ജഡ്ജിമാരുടെയും, ഇതെല്ലാം ദ്രാവിഡ പ്രസ്ഥാനത്തിന്റെയും കരുണാനിധിയുടേയും ഭിക്ഷയാണ് എന്നുമുള്ള പരാമര്‍ശമാണ് വിവാദമായത്.