കുന്നംകുളം : പന്നിത്തടം ലഹരിവിരുദ്ധദിനാചരണത്തിന്റെ ഭാഗമായി ചിറമനേങ്ങാട് കോണ്‍കോട് ഇംഗ്ലീഷ് ഹയര്‍ സെക്കന്‍ഡറി സക്കൂളില്‍ വിവിധ ക്ലബുകളുടെ നേതൃത്വത്തില്‍ പന്നിത്തടം സെന്ററില്‍ വിവിധ പരിപാടികള്‍ നടന്നു.
കടങ്ങോട് ഗ്രാമപഞ്ചായത്ത്് വിദ്യാഭ്യാസ ആരോഗ്യ സ്റ്റാന്റിങ് കമ്മിറ്റി ചെയര്‍മാന്‍ ജലീല്‍ ആദൂര്‍ ഉദ്ഘാടനം ചെയ്തു. സക്കൂള്‍ മാനേജര്‍ ആര്‍.എം.ബഷീര്‍ അധ്യക്ഷനായി.
പ്രിന്‍സിപ്പാള്‍ ബീനാഉണ്ണി വിദ്യാര്‍ഥികള്‍ക്ക് ലഹരി വിരുദ്ധ പ്രതിജ്ഞ ചൊല്ലികൊടുത്തു. സക്കൂള്‍ എന്‍.എസ്.എസ്. ജൂനിയര്‍ റെഡ് ക്രോസ്, ബുള്‍ ബുള്‍, സകൗട്ടസ് ആന്‍ഡ് ഗൈഡ്‌സ് എന്നിവയുടെ നേതൃത്വത്തില്‍ ലഹരിവിരുദ്ധ ബോധവതകരണ പ്ലക്ക്കാര്‍ഡുകള്‍, പോസ്റ്ററുകള്‍ എന്നിവയുടെ പ്രദര്‍ശനവും, ലഹരിവിരുദ്ധ സന്ദേശം നല്‍കുന്ന മൈം, മ്യൂസിക്കല്‍ ഡ്രാമ, പ്രസംഗം, വെളളറക്കാട് പ്രാഥമീകാരോഗ്യ കേന്ദ്രം ഹെല്‍ത്ത് ഇന്‍സ്‌പെക്ടര്‍ മനോജ്കുമാറിന്റെ നേതൃത്വത്തില്‍ ലഹരിവിരുദ്ധ ബോധവതകരണ ക്ലാസും എന്നിവയും.
പന്നിത്തടം മര്‍ച്ചന്റ് അസോസിയേഷന്‍ മെമ്പര്‍ ബാഹുലേയന്‍, സക്കൂള്‍ പി.ടി.എ.പ്രസിഡന്റ് കെ.ടി.മണി, അധ്യാപകരായ എം.കെ.പ്രണൂപ്, ടി.എം.അശ്വതി, സമാറ ബഷീര്‍, എന്നിവര്‍ നേതൃത്വം നല്‍കി.

പെരുമ്പിലാവ് : മങ്ങാട് സെന്റ് ജോസഫ് ആന്‍ഡ് സെന്റ് സിറിള്‍സ് ഹയര്‍സെക്കന്‍ഡറി സ്‌കൂളില്‍ ലഹരിവിരുദ്ധ വാരാചരണം നടത്തി. ലഹരി വിരുദ്ധബോധവല്‍കരനത്തിന്റെ ഭാഗമായി സ്‌കൂള്‍ സ്‌കൂള്‍ ഗ്രൗണ്ടില്‍ ലഹരി വിരുദ്ധ സന്ദേശമുയര്‍ത്തിയുള്ള റാലി നടന്നു.
തുടര്‍ന്ന് സ്‌കൂള്‍ അംങ്കണത്തില്‍ നടന്ന ലഹരിവിരുദ്ധ വാരാചരണം കുന്നംകുളം എസ്.ഐ.ഹകീം ഉദ്ഘാടനം ചെയ്തു. സ്‌കൂള്‍ പ്രിന്‍സിപ്പാള്‍ ബിജി ഡേവിഡ് അധ്യക്ഷയായി.
സ്‌കൂള്‍ ഹെഡ് മിസ്‌ട്രെസ്സ് ജിജി വര്‍ഗീസ് വിദ്യാര്‍ഥികള്‍ക്ക് ലഹരി വിരുദ്ധബോധവല്‍കരണ പ്രതിജ്ഞ ച്ചൊല്ലികൊടുത്തു.
ഫാ.അഗസ്റ്റിന്‍ തടവിള, വൈസ് പ്രിന്‍സിപ്പാള്‍ സുഭാഷ് മാത്യു സ്‌കൂള്‍ പി.ടി.എ പ്രസിഡന്റ് പി.അരവിന്ദാക്ഷന്‍ സംസാരിച്ചു.
പരിപാടിയില്‍ സ്‌കൌട്ട് ആന്‍ഡ് ഗൈഡ് എന്നിവക്കുള്ള രാജ്യപുരസ്‌ക്കരധാനവും, ലഹരി വിരുദ്ധബോധവത്കരണ ലഘുനാടകവതരണവും ഉണ്ടായി.

കുന്നംകുളം : ഗവ.ബോയ്‌സ് ഹയര്‍ സെക്കന്‍ഡറി സക്കൂളിലെ എന്‍.എസ്.എസ്.യൂനിറ്റിന്റെ നേതൃത്വത്തില്‍ ലഹരിവിരുദ്ധദിനമാചരിച്ചു.
ലഹരിവിരുദ്ധ ബോധവല്‍കരണത്തിന്റെ ഭാഗമായി സക്കൂളില്‍ നിന്നും ബോധവതകരണ പ്ലക്ക്കാര്‍ഡുകള്‍, പോസ്റ്ററുകള്‍ എന്നിവ പ്രദര്‍ശിപ്പിച്ച് കൊണ്ടുള്ള റാലി നഗരം ചുറ്റി ബസ്സ്സ്റ്റാന്‍ില്‍ എത്തി തുടര്‍ന്ന് എന്‍.എസ്.എസ് യൂനിറ്റിന്റെ നേതൃത്വത്തില്‍ ബസ്റ്റാന്റില്‍ ലഹരിവിരുദ്ധ സന്ദേശം നല്‍കുന്ന മ്യൂസിക്കല്‍ ഡ്രാമ, അവതരണവും ഉണ്ടായി.
സക്കൂള്‍ പ്രിന്‍സിപ്പാള്‍ ധന്യ ജോസഫ്, എന്‍.എസ്.എസ്. പ്രോഗ്രാം ഓഫിസര്‍ ഷൈജു ചെറിയാന്‍ നേതൃത്വം നല്‍കി.