ഡബ്ലിന്‍: അയര്‍ലാന്റിനെതിരേയുള്ള ആദ്യ ടി20 മത്സരത്തില്‍ ഇന്ത്യക്ക് തകര്‍പ്പന്‍ തുടക്കം. ഓപ്പണര്‍മാരുടെ തകര്‍പ്പന്‍ ബാറ്റിങിന്റെ ബലത്തില്‍ ഇന്ത്യ അഞ്ച് വിക്കറ്റ് നഷ്ടത്തില്‍ 208 റണ്‍സ് നേടി.
രോഹിത് ശര്‍മ്മയും ശിഖര്‍ ധവാനും കൂടി ഒന്നാം വിക്കറ്റില്‍ നേടിയ 160 റണ്‍സിന്റെ ബലത്തിലാണ് ഇന്ത്യ മികച്ച റണ്‍സ് നേടിയത്. സെഞ്ച്വറിക്ക് മൂന്ന് റണ്‍സ് അകലെ അകലെ ചേസ് ആണ് രോഹിത്തിന്റെ വിക്കറ്റെടുത്തത്. 61 പന്തില്‍ എട്ടു ഫോറും അഞ്ച് സികസുമടക്കമാണ് രോഹിത് 97 റണ്‍സ് നേടിയത്.
45 പന്തില്‍ നിന്ന് അഞ്ച് ബൗണ്ടറിയും സിക്‌സും സഹിതമാണ് ധവാന്റെ 74 റണ്‍സ്. സുരേഷ് റെയ്‌ന 10 റണ്‍സ് നേടിയപ്പോള്‍ ധോണി 11 റണ്‍സ് നേടി. അവസാന ഓവറില്‍ മൂന്ന് വിക്കറ്റുമായി പീറ്റര്‍ ചേസ് ഇന്നിങ്‌സില്‍ തന്റെ വിക്കറ്റ് നേട്ടം നാലാക്കി മാറ്റി. കെവിന്‍ ഒബ്രൈനാണ് മറ്റൊരു വിക്കറ്റ് നേടിയത്.