കൊച്ചി: ഓണ്‍ലൈന്‍ സിനിമാ റിലീസ് തടയേണ്ടെന്ന് തീരുമാനം. എന്നാല്‍, ഇത്തരം ചിത്രങ്ങള്‍ക്ക് മാനദണ്ഡം നിശ്ചയിക്കുമെന്ന് സംഘടനാ പ്രതിനിധികള്‍ പറഞ്ഞു.
ഫിലിം ചേംബറിന്റെ നേതൃത്വത്തില്‍ നിര്‍മാതാക്കള്‍, വിതരണക്കാര്‍, തിയേറ്റര്‍ ഉടമകള്‍ എന്നിവരുടെ പ്രതിനിധികളുമായി നടത്തിയ ചര്‍ച്ചയിലാണ് തീരുമാനം. ഒ.ടി.ടി റിലീസിന് താല്‍പര്യമുള്ള നിര്‍മാതാക്കള്‍ 30ന് മുന്‍പ് സംഘടനയെ സമീപിക്കണമെന്നും തീരുമാനമെടുത്തു. ലിബര്‍ട്ടി ബഷീറിന്റെ സംഘടന യോഗത്തില്‍ പങ്കെടുത്തില്ല.