കൊച്ചി: കേരളത്തിലേക്ക് മടങ്ങിയെത്തുന്ന പ്രവാസികള്‍ ക്വാറന്റൈന്‍ ചിലവ് വഹിക്കണമെന്ന സര്‍ക്കാര്‍ നിലപാടിനെതിരേ ഹൈക്കോടതിയില്‍ ഹരജി.ജനങ്ങളുടെ സ്വത്തും ജീവനും സംരക്ഷിക്കേണ്ടത് സര്‍ക്കാരിന്റെ ബാധ്യതയാണെന്നും എല്ലാം നഷ്ടപ്പെട്ട് നാട്ടിലെത്തുന്ന പ്രവാസികളുടെ ചിലവ് മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും ചിലവഴിക്കണമെന്നും ഹരജിയില്‍ ആവശ്യപ്പെട്ടു. രോഗികളും, ഗര്‍ഭിണികളടക്കമുള്ളവര്‍ നാട്ടിലെത്തി സര്‍ക്കാരിന് പണം നല്‍കേണ്ടി വരുന്നതായും പത്തനംതിട്ട സ്വദേശി റെജി താഴെമോന്‍ സമര്‍പ്പിച്ച ഹരജിയില്‍ വ്യക്തമാക്കുന്നു.

വ്യാപകമായ പ്രതിഷേധം മൂലം കൊവിഡ് കരുതല്‍ നിരീക്ഷണത്തിന് പണം വാങ്ങുന്നതില്‍ നിന്നും പാവപ്പെട്ട പ്രവാസികളെ ഒഴിവാക്കുമെന്ന് ഇന്നലെ മുഖ്യമന്ത്രി അറിയിച്ചിരുന്നു. എന്നാല്‍ ആരൊക്കെ പണം നല്‍കണം എന്നത് സംബന്ധിച്ച് വ്യക്തത വന്നില്ല.