ലബനാന്‍: വടക്കന്‍ ഇസ്റാഈലിലെ സൈനിക താവളം ആക്രമിച്ചതായി ഹിസ്ബുല്ല. നിരവധി റോക്കറ്റുകള്‍ ഉപയോഗിച്ചായിരുന്നു ആക്രമണമെന്നും ഹിസ്ബുല്ല ടെലഗ്രാം പോസ്റ്റില്‍ പറഞ്ഞു. റോഷ് പിനായിലെ ഫിലോണ്‍ വ്യോമതാവളത്തിനു നേരെയാണ് ആക്രമണം നടന്നത്.

വ്യോമതാവളത്തിനു സമീപം പുക ഉയരുന്ന ദൃശ്യങ്ങളും പുറത്തുവന്നു. അപ്പര്‍ ഗലീലിയയിലും നേരത്തെ ആക്രമണം നടന്നിരുന്നു. ഇവിടെ സൈറണ്‍ മുഴങ്ങി. 30 മിസൈലുകള്‍ ഇവിടെ പതിച്ചെന്നാണ് ഇസ്റാഈല്‍ സൈന്യം പറയുന്നത്. ഗസ്സയില്‍ 87 പേരെ വധിച്ച ഇസ്റാഈല്‍ സൈന്യത്തിനുള്ള മറുപടിയാണ് ആക്രമണമെന്നും ഉച്ചയ്ക്ക് 12.30 നായിരുന്നു ശക്തമായ റോക്കറ്റുകള്‍ ഉപയോഗിച്ചുള്ള ആക്രമണമെന്നും ഹിസ്ബുല്ല അറിയിച്ചു. കഴിഞ്ഞ ആഴ്ച ഹൈഫയിലെ വ്യോമതാവളത്തിനു നേരെയും ഹിസ്ബുല്ല റോക്കറ്റ് ആക്രമണം നടത്തിയിരുന്നു.

Hezbollah launches rocket attack on Israeli military base in northern Israel, responding to recent airstrikes in Gaza that killed 87.