പാലക്കാട്: ത്രിതല തദ്ദേശ സ്വയംഭരണ തെരഞ്ഞെടുപ്പില്‍ വോട്ടിങ് യന്ത്രങ്ങള്‍ പരിചയപ്പെടുത്തുന്നതിന്റെ ഭാഗമായി തെരഞ്ഞെടുപ്പ് വിഭാഗം മോക്ക് പോള്‍ നടത്തുമെന്ന് ജില്ലാ കലക്ടര്‍ പി മേരിക്കുട്ടി അറിയിച്ചു.
തെരഞ്ഞെടുപ്പില്‍ മള്‍ട്ടി പോസ്റ്റ് വോട്ടിങ് യന്ത്രങ്ങളാണ് ഉപയോഗിക്കുന്നത്. വോട്ടിങ് രീതി, കൃത്യത എന്നിവ ഉറപ്പു വരുത്തുന്നതിന്റെ ഭാഗമായാണ് പരിപാടി നടത്തുന്നത്.
ജില്ലയിലെ മോക്ക് പോളിങ് ഓഗസ്റ്റ് 20ന് പുതുപ്പരിയാരം ഗ്രാമപഞ്ചായത്തിലെ പൂഞ്ചിറ വാര്‍ഡിലെ ഒന്നാം നമ്പര്‍ പോളിങ് സ്റ്റേഷനായ സാംസ്‌ക്കാരിക നിലയത്തില്‍ രാവിലെ 10 മുതല്‍ ഉച്ചക്ക് ഒരു മണിവരെ നടക്കും.
പരിപാടി വിജയകരമായി നടത്തുന്നതിന്റെ ഭാഗമായി പഞ്ചായത്തുള്‍പ്പെടുന്ന ജില്ല, ബ്ലോക്ക് ഡിവിഷനുകളുടെ ജനപ്രതിനിധികള്‍, പരിധിയിലെ ബ്ലോക്ക് പഞ്ചായത്ത് അംഗങ്ങള്‍, മറ്റ് ഉദ്യോഗസ്ഥന്‍മാര്‍ എന്നിവരുടെ യോഗം ഓഗസ്റ്റ് 13 വൈകിട്ട് 3.30ന് കലക്ടറേറ്റ് കോണ്‍ഫറന്‍സ് ഹാളില്‍ ചേരും.
യോഗത്തില്‍ ബന്ധപ്പെട്ട ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍, ഉദ്യോഗസ്ഥര്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.