മാനന്തവാടി: വനത്തില്‍ നിന്ന് മഞ്ഞക്കൊന്നയെ അകറ്റാന്‍ കോളനിക്കാരും വനപാലകരും കൈകോര്‍ത്തു.
വയനാട് വന്യജീവി സങ്കേതത്തിലെ തോല്‍പെട്ടിയിലാണ് മഞ്ഞ കൊന്നയെ തുരത്താന്‍ മൂന്നാ ഘട്ട ദൗത്യവുമായ് വനം വകുപ്പും കോളനിക്കാരും രംഗത്തിറങ്ങിയത്. 40,000 ചെടികളാണ് ഇതിനകം പിഴുത് മാറ്റിയത്. കാടിനുള്ളില്‍ താമസിക്കുന്ന ഗോത്രവര്‍ഗ വിഭാഗങ്ങളും വൈല്‍ഡ് ലൈഫ് ഉദ്യോഗസ്ഥരും ഈ.ഡി.സി ജീവനക്കാരും സംയുകതമായാണ് വനം വിഴുങ്ങുന്ന മഞ്ഞക്കൊന്ന നശിപ്പിക്കാന്‍ കൈകോര്‍ത്തത്.
മുന്‍ വര്‍ഷം 250,00 ചെടികളും 250,00 വന്‍ മരങ്ങളും നശിപ്പിച്ചിട്ടുണ്ട്. വനത്തില്‍ വ്യാപകമാവുകയും നീരുറവകളും പ്രകൃതിയില്‍ മുളച്ചുപൊന്തുന്ന പുല്‍നാമ്പുകളെയും വന്യ ജീവികള്‍ക്കും മനുഷ്യര്‍ക്കും ഒരേ പോലെ മാരകമാകുന്ന വിദേശയിനം സെന്നയെ വനത്തില്‍ നിന്ന് ഇല്ലായ്മ ചെയ്യാന്‍ ബുദ്ധിമുട്ടുകയായിരുന്നു വനം വകുപ്പ് .
വനം വകുപ്പിന്റെ ഉന്നതതല യോഗത്തില്‍ എടുത്ത തീരുമാനപ്രകാരമാണ് ഇപ്പോള്‍ മഞ്ഞ കൊന്ന , കൊങ്ങിണി, കമ്മ്യൂണിസ്റ്റ് പച്ച എന്നിവയും നശിപ്പിച്ചത്.