ഹരിപ്പാട്: മഹാകവി കുമാരനാശാന്റെ 144 മത് ജന്മവാര്‍ഷികാഘോഷം കുമാരനാശാന്‍ സ്മാരക സമിതിയുടെ നേതൃത്വത്തില്‍ പല്ലന ആശാന്‍ സ്മാരകത്തില്‍ ആഘോഷിച്ചു.
സമിതി വൈസ് ചെയര്‍മാന്‍ രാമപുരം ചന്ദ്രബാബുവിന്റെ നേതൃത്വത്തില്‍ പുഷ്പാര്‍ച്ചന നടത്തി. തുടര്‍ന്ന് കവി സംഗമവും, ആശാന്‍ കവിതകളുടെ ആലാപനവും നടന്നു. കവി സംഗമം പ്രശസ്ത കവി മുതുകുളം ഗംഗാധരന്‍ പിള്ള ഉദ്ഘാടനം ചെയ്തു. ഇളനെല്ലൂര്‍ തങ്കച്ചന്‍ അദ്ധ്യക്ഷനായി.
ജന്മദിനാഘോഷ സമ്മേളനം സ്മാരക സമിതി ചെയര്‍മാന്‍ രാജീവ് ആലുങ്കല്‍ ഉദ്ഘാടനം ചെയ്തു. വൈസ് ചെയര്‍മാന്‍ രാമപുരം ചന്ദ്രബാബു അദ്ധ്യക്ഷനായി.