1992ല്‍ കരുത്തരായ ജര്‍മനിയെ 2-0ത്തിനു അട്ടിമറിച്ച് കന്നി യൂറോ കിരീടം സ്വന്തമാക്കി ഡെന്‍മാര്‍ക്ക് അത്ഭുതം തീര്‍ത്തു. കൃത്യം പന്ത്രണ്ടു വര്‍ഷം പിന്നിട്ടപ്പോള്‍ 2004ല്‍ പോര്‍ച്ചുഗലിനെ കീഴടക്കി ഗ്രീസ് 1-0ത്തിനു കന്നി യൂറോയില്‍ മുത്തമിട്ടു. 12 വര്‍ഷങ്ങള്‍ക്കിപ്പുറം പോര്‍ച്ചുഗല്‍ ആ ചരിത്രം വീണ്ടും ആവര്‍ത്തിച്ചു. ആതിഥേയരായ ഫ്രാന്‍സിനെ 1-0ത്തിനു പരാജയപ്പെടുത്തി പോര്‍ച്ചുഗല്‍ കന്നി കിരീടവുമായി മടങ്ങി.

13 നഗരങ്ങള്‍
അടുത്ത യൂറോ കപ്പ് 2020ല്‍ നടക്കും. പാന്‍- യൂറോപ്യന്‍ എന്ന പേരില്‍ യൂറോപ്പിലെ വിവിധ രാജ്യങ്ങളിലെ 13 വേദികളിലായാണ് മത്സരങ്ങള്‍ അരങ്ങേറുന്നത്. ലണ്ടന്‍, മ്യൂണിക്ക്, റോം, ബകു, സെയ്ന്റ് പീറ്റേഴ്‌സ്ബര്‍ഗ്, ബുക്കാറെസ്റ്റ്, ആംസ്റ്റര്‍ഡാം, ഡബ്‌ളിന്‍, ബില്‍ബാവോ, ബുഡാപസ്റ്റ്, ബ്രസ്സല്‍സ്, ഗ്ലാസ്‌ഗോ, കോപന്‍ഹെഗന്‍ സ്റ്റേഡിയങ്ങളിലാണ് മത്സരം നടക്കുക. സെമി ഫൈനല്‍, ഫൈനല്‍ മത്സരങ്ങള്‍ ലണ്ടനിലെ വെംബ്ലി സ്റ്റേഡിയത്തിലാണ് അരങ്ങേറുന്നത്.