തിരുനാവായ: നവ എഴുത്തുകാരെ പ്രാത്സാഹിപ്പിക്കുന്നതിന് ചുവരെഴുത്ത് കൂട്ടായ്മ നിള തീരത്ത് സംഘടിപ്പിച്ച സാഹിത്യ സംഗമം തിരുനാവായ ഗ്രാമ പഞ്ചായത്ത് പ്രസിഡന്റ് ഫൈസല്‍ എടശ്ശേരി ഉദ്ഘാടനം ചെയ്തു.
കൊടക്കല്‍ മലബാര്‍ ഹെല്‍ത്ത് കെയര്‍ സ്‌പെഷ്യല്‍ സ്‌കൂള്‍ ഹാളില്‍ നടന്ന സംഗമത്തില്‍ നവ എഴുത്തുകാരും മാധ്യമ പ്രതിനിധികളും പങ്കെടുത്തു. സംഗമത്തില്‍ കെ.പി ഖമറുല്‍ഇസ്‌ലാം അധ്യക്ഷനായി. മുതിര്‍ന്ന പത്ര പ്രവര്‍ത്തകനായ കായക്കല്‍ അലി, കറപ്പന്‍ തിരൂര്‍, കഥാകൃത്ത് ഫൈസല്‍ ബാബു എന്നിവരെ ആദരിച്ചു. ചുവരെഴുത്ത് കൂട്ടായ്മക്ക് വേണ്ടി കടവത്ത് ഷാജി സ്‌പെഷ്യല്‍ സ്‌കൂള്‍ വിദ്യാര്‍ഥികള്‍ക്ക് യൂനിഫോം വിതരണം ചെയ്തു. വി.കെ അബുബക്കര്‍ മൗലവി, സി.പി മുഹമ്മദ്, ചിറക്കല്‍ ഉമ്മര്‍, പി ഇബ്രാഹിം, ടി.പി മൊയ്തീന്‍ ഹാജി, അഹമ്മദ് കുട്ടി ഒറ്റയില്‍  സംസാരിച്ചു.
ഭിന്നശേഷി വിദ്യാര്‍ഥികളുടെ കലാപരിപാടികള്‍ കായക്കല്‍ അലി ഉദ്ഘാടനം ചെയ്തു. നവ കഥാകൃത്ത് ഫൈസല്‍ ബാബു സാഹിത്യ കൂട്ടായ്മ ഉദ്ഘാടനം ചെയ്തു. ജലീല്‍ വൈരങ്കോട് അധ്യക്ഷനായി. നാസര്‍ കൊട്ടാരത്ത്, സി.പി.സുബൈര്‍, ഹര്‍ഷ കരുവാട്ട്, ഫക്രുദ്ദീന്‍ പന്താവൂര്‍, റിജേഷ് എടപ്പാള്‍, കറപ്പന്‍ തിരൂര്‍,  അബ്ദുല്‍ വാഹിദ്, കെ.പി നൗഷാദ് എന്നിവര്‍ സംസാരിച്ചു.