മംഗളൂരു: പള്ളി വൃത്തിയാക്കുന്നതിനിടെ എസ്.കെ.എസ്.എസ്.എഫ് വിഖായ പ്രവര്‍ത്തകന്‍ ഷോക്കേറ്റു മരിച്ചു. ഫറംഗിപേട്ട് പെരിയാര്‍ അമ്മേന്‍മാര്‍ സ്വദേശി മുബാറക് (23) ആണ് മരിച്ചത്. സംഭവത്തില്‍ ഫാറൂഖ് എന്നയാള്‍ക്ക് പരുക്കേറ്റിട്ടുണ്ട്. ഇയാളെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. മസ്ജിദ് ക്ലീനാക്കുന്നതിനിടെ തറയില്‍ കിടന്ന വയറില്‍ നിന്നും ഇരുവര്‍ക്കും ഷോക്കേല്‍ക്കുകയായിരുന്നു. വിഖായയുടെ സജീവ പ്രവര്‍ത്തകനായ മുബാറകിന്റെ ആകസ്മിക മരണം പ്രദേശത്തെ ജനങ്ങളെ ദുഖികരാക്കിയിട്ടുണ്ട്.